Accessibility links

Yaponiyanın şimalındakı aeroport inşaatçılar orada İkinci Dünya Müharibəsindən qaldığına inanılan bomba tapdıqdan sonra bağlanıb.

Yerli polis uçuş zolağı yaxınlığında 250 kiloqram ağırlığında bomba aşkar edildikdən sonra Senday aeroportuna və oradan xaricə 92 reysin təxirə salındığını bildirib.

Bombanın Amerika istehsalı olduğu deyilir.

Bombanın işlək detonatoru var və bu üzdən rəsmilər onun başqa yerə köçürülməsini yaxud yerindəcə partladılmasını nəzərdən keçirirlər.

Bombanın ətrafına qum kisələri toplanıb və ətraf ərazilərdə evakuasiya tədbirlərinə hazırlıq görülüb.
XS
SM
MD
LG