Accessibility links

İsrail rəsmilərinin bildirdiyinə görə, cümə axşamı Livandan İsrail ərazisinə atılan 4 raket atəşinə cavab olaraq, bu gün İsrail Livan hədəflərinə bomba hücumları həyata keçirib. Rəsmilər hədəfin Beyrutla Sidon şəhərləri arasındakı Nameh bələdiyyəsi yaxınlığı olduğunu bildirib.

Fələstinin Azadlıq Xalq Cəbhəsi İsrailin raket hücumları zamanı Beyrutun cənub bölgəsində yerləşən bazalarından birinin vurulduğu barədə xəbəri təsdiq edib və bildirib ki, xəsarət alan olmayıb.

Cümə axşamı Livanın cənub bölgəsindən İsrailin şimal yaşayış məntəqəsinə atılan 2 raket İsrailin mərmidən müdafiə sistemi Dəmir Qübbə tərəfindən saxlanıb. İsrail xəsarət alanların olub-olmadığı barədə məlumat verməyib.
XS
SM
MD
LG