Accessibility links


ABŞ prezidenti Barak Obama Yaxın Şərq və Avropaya bir həftə sürən səfərini başa vurub Vaşinqtona qayıdır.

Cənab Obama səfərinin son dayanacağı olan Səudiyyə Ərəbistanında səudiyyə kralı Abdulla ilə görüşüb. Ər-Riyadda keçirilən görüşün diqqət mərkəzində Suriyada vətəndaş müharibəsi və İranın nüvə proqramı ilə əlaqədar yaranmış gərginliklər olub.

Ər-Riyadı tərk etməzdən əvvəl prezident Obama Dövlət Departamentinin Qadın Şücaəti mükafatını almış səudiyyəli qadın fəalı Maha Əl-Munefi təqdim edib. Maha Əl-Munef Səudiyyə Ərəbistanında məişət zəminində zorakılığa qarşı mübarizə kampaniyası apardığına görə mükafata layiq görülüb.

“Doktor Əl-Munef təkfə krallıqda xidmətlər yaratmaqla yanaşı, bundan daha mühümü, qadın v uşaqların məişət zəminində zorakılıqlardan müdafiə edilməsi və məişət zəminində zorakılıq qurbanlarının yaşayış yeri ilə təmin edilməsi üçün qanunların qəbul edilməsinə nail ola bilib.”

Cənab Obama Səudiyyə Ərəbistanından Vaşinqtona yolda qısa müddətə Almaniyada olacaq.
XS
SM
MD
LG