<p>Cümə axşamı ictimaiyyətə müraciətlə çıxış edən ABŞ Prezidenti Barak Obama İraqdakı ABŞ rəsmilərini qorumaq və İraq qüvvələrinə kömək etmək məqsədilə “hədəfli hava zərbələrinə” göstəriş verdiyini bəyan edib.</p> <p>Prezident Obama ABŞ hərbi təyyarələri səmadan İraqın Siniar dağında ilişib qalmış minlərlə adama ərzaq paketləri atdıqdan bir neçə saat sonra çıxış edib.</p> <div class="c-blockquote c-blockquote--has-quote"> <div class="c-blockquote__content">Biz ehtiyatlı və məsuliyyətli şəkildə potensial genosidin qarşısını almaq üçün hərəkətə keçə bilərik.</div> <div class="c-blockquote__foot">Barak Obama</div> </div> <p>"Bu gün Amerika köməyə gəlir!" deyə Prezident Obama bəyan edib.</p> <p>ABŞ rəsmiləri üçün başlıca narahatlıq mənbəyi habelə Ərbil şəhərində çalışan ABŞ siyasi və hərbi məsləhətçilərinin taleyidir. Ərbil İraqın kürd regionunun ən iri şəhəri sayılır.</p> <p>“Biz öz adamlarımızı qorumaq üçün nə lazımdırsa onu da edəcəyik,” deyə Prezident Obama bildirib. “Biz darda olan müttəfiqlərimizi müdafiə edirik.”</p> <p>Prezident Obama bildirib ki, İŞİD kimi tanınan İraqda və Şamda İslam Dövləti qüvvələri Ərbilə tərəf hərəkət etməkdə davam etsələr o, hərbi qüvvələrə hədəfli şəkildə islamçı militantları havadan vurmağa göstəriş verib.</p> <div class="tag_image tag_image5 floatLeft" contenteditable="false" mode="img|expand|360BC885-0791-45DD-B128-961677534F3D.jpg|5|floatLeft|||1"> <img src="http://gdb.voanews.com/360BC885-0791-45DD-B128-961677534F3D_r1_w268.jpg" />Prezident Barak Obama çıxışdan sonra salonu tərk edir. Ağ Ev, 7 avqust, 2014.</div> <p>İraqda sürətlə cərəyan edən hadisələr dini azlıqları sünni müsəlman ekstermistləri tərəfindən qətliam təhlükəsi qarşısında qoyub.</p> <p>İrəliləyən İŞİD qüvvələrindən qaçan yezidi azlığının minlərlə üzvü dağlarda ac-susuz ilişib qalıb. İŞİD-in xristianların məskunlaşdığı Qaraquş şəhərini zəbt etməsindən və yerli sakinləri ölümlə hədələməsindən sonra minlərlə xristian da evlərindən didərgin düşüb. </p> <p>Son günlərdə İraqın şimalında irəliləyən islamçı ekstremistlər qadın və uşaq daxil olmaqla çox sayda mülki vətəndaşı qətlə yetirib. </p> <p>Prezident Obama əlavə edib ki, onun İraqa ABŞ əsgərləri göndərmək niyyəti yoxdur.</p> <p> </p>