ABŞ rəsmiləri tıəsdiq ediblər ki, Somalidə həyata keçirilən hava zərbələri Əl-Şəbəb militant qrupun lideri Əhməd Əbdi Qodanın həyatına son qoyub.
Pentaqon sözçüsü, kontr-admiral Con Körbi verdiyi bəyanatda bildirib ki, ABŞ hərbi əməliyyatı Qodanın ölümü ilə nəticələnib.
Şahidlər ABŞ-a məxsus hərbi dronun Əl-Şəbəb liderlərinin Somalinin cənuibundakı yığıncağını hədəf aldığını xəbər veriblər.
Ağ Evin açıqlamasında Qodanın öldürülməsi Əl-Qaidanın Afrikadakı əməliyyatlarına ciddi zərbə kimi qiymətləndirilir. Administrasiya bunun “kəşfiyyat, həbçilər və hüquq mühafizə orqanlarının göstərdiyi səylərin məhsulu” olaraq dəyərləndirib.
Qodan 2008-ci ildən başlayaraq Əl-Şəbəbə rəhbərlik edirdi və ABŞ hökumətinin terroristlər siyahısına salınmışdı. Dövlət Departamenti onun axtarışına 7 milyon dollar mükafat təyin etmişdi.
