ABŞ və onun müttəfiqləri İslam Dövləti qrupunun Suriya və İraqda mövqələrinə qarşı yeddi hava hücumu keçirib. Bu barədə məlumat Birgə Əməliyyatlar Qrupunun bəyanatında verilib.
Altı hava hücumu zamanı İslam Dövləti qrupunun Suriyada Kobani yaxınlığında mövqelərinə zərbələr endirilib. İslam Dövləti qrupunun İraqda Mosul şəhəri yaxınlığında istinadgahı isə bir hava hücumuna məruz qalıb.
Birgə Əməliyyatlar Qrupunun bəyanatında hava hücumlarının şənbə və bazar günləri səhər baş verdiyi bildirilir.
