Moskva Şərqi Avropada müdafiəni gücləndirdiyinə görə NATO-nu qınayır
Bazar ertəsi NATO-nun baş katibi Yens Stoltenberq deyib ki, qarşıdan gələn zirvə görüşü ittifaqın Avropa və Baltikyanı dövlətlərdəki müdafiə məqsədli mövcudluğunu artıracaq. Stoltenberq Varşavada keçiriləcək NATO sammitindən öncə Polşada səfərdədir. Bu arada, NATO-nun Parlament Assambleyası Albaniya paytaxtında keçirilən iclasda alyans üzvlərini cənub və şərqdə təhlükəsizliyi təhdid altında olduğuna inanılan üzv ölkələrə dəstəyi artırmağa çağırıb. Rusiyanın Brüsseldə NATO-dakı nümayəndəsi isə qrupu Soyuq Müharibə üsullarına əl atmaqda ittiham edir.