Əfqanıstanın rəsmiləri bildiriblər ki, parlament seçkilərində baş verən pozuntulara görə 300 seçki məntəqəsindəki səsvermə qutuları səslərin sayılmasına daxil edilməyəcək. BMT ilə Əfqanistanın yaratdığı birgə seçki komissiyasının sədri Peter Erben deyib ki, seçkilərdə ölkə miqyasında geniş miqyaslı pozuntu baş verməyib. Buna baxmayaraq bəzi bölgələrdə geniş pozuntular olub. O Əfqanistanın 34 vilayətindən ikisində parlament seçkilərinin və yerli seçkilərin nəticələrini açıqlayıb. O, digər vilayətlərdə isə nəticələrin gələn həftələrdə açıqlanacağını deyib.