BMT-nin Təhlükəsizlik Şurasının beş daimi üzvü İranı uranın zənginləşdirilməsi proqramını dayandırmağa çağırır. Bu gün Berlində danışan ABŞ-ın Dövlət katibi Kondoliza Rays deyib ki, beynəlxalq icitmiayyət İranın mübahisəli nüvə fəaliyyətlərini dayandırmaq tələbində birlik göstərir. Kondoliza Rays bu açıqlamları Almaniya, Fransa, Britaniya, Çin və Rusiyanın xarici işlər nazirlərilə görüşündən sonra verib. Lakin İranın Beynəlxalq Atom Enerjşisi agentliyində səfiri Aliəsgər Sultaniyə xəbər agentliklərinin nümayəndələrinə bildirib ki, Tehran uranın zənginləşdirilməsi proqramını dayandırmayacaq.