Xam neftin qiyməti İranın nüvə danışıqlarında yüksək səviyyəli vasitəçisinin BMT-nin Nüvə Agentliyi ilə qarşıdurmada neftdən silah kimi istifadə edə bilməsinə işarə etməsindən sonra qalxıb. Birləşmiş Ştatlarda bu gün bir barel xam neftin qiyməti təqribən 74 dollara yüksəlib.
İranın nüvə müzakirəçisi Əli Laricani bildirib ki, İranın nüvə proqramından əl çəkməyə məcbur etmək üçün tətbiq edilən radikal ölçülərin İranı belə bir “vacib nəticə” çıxarmağa vadar edir. Əli Laricani eləcə də BMT-nin İrana qarşı sanksiyalar tətbiq etdiyi təqdirdə İranın Agentliklə əməkdaşlığını dayanadıracağını deyib.