Rusiya prezidenti Vladimir Putin dünyanın ən iri sənayeyə malik 7 ölkəsinin liderlərini Sankt Peterburqda salamlayıb. Böyük səkkizlik sammitinin bazar günü rəsmi açılışından öncə bu axşam dünya liderləri ziyafətdə görüşəcəklər. Vladimir Putin enerji təhlükəsizliyi və infeksiyon xəstəliklərin yayılması məsələsini gündəmə çıxarmağı planlaşdırsa da əsas müzakirələrin Yaxın Şərq krizisi ətrafında olacağı gözlənilir.
Bu gün ABŞ və Rusiya prezidentləri də qapalı görüş keçiriblər. Görüş zamanı Rusiyada demokratiya ilə bağlı vəziyyət müzakirə olunub. Buş Rusiyadakı vəziyyətdən narahat olduğuinu deyib və İraqda demokratiyanın qurulması istiqamətində səylərdən danışıb. Putin isə Rusiyaya İraqdakı demokratiyanın gərək olmadığını deyib.