İraq rəsmilərinin bildirdiyinə görə, bu gün Bağdadda və ölkənin digər ərazilərində baş vermiş bomba partlayışları nəticəsində ən azı 23 nəfər öldürülüb, onlarla insan yaralanıb. Bağdad polisinin məlumatında deyilir ki, orada 6 nəfər qətlə yetirilib, 10 nəfər isə yaralanıb.
İraqın sabiq rəhbəri Səddam Hüseynin doğulduğu Tikrit şəhərinin yaxınlığında isə 17 nəfər qətlə yetirilib. ABŞ-ın İraqdakı hərbi qüvvələrinin rəhbərliyi bildirib ki, bir neçə gündən sonra başlayacaq İslam dininin müqəddəs Ramazan ayı zamanı ölkədə zorakılıqların artacağı gözlənilir.