Şotlandiyanın Qlazqo şəhərində polis yanan maşını aeroport terminalına çırpdıqlarına görə azı iki nəfəri saxlayıb. Şahidlər deyirlər ki, terminal binasına sürətlə yaxınlaşan maşın alov içində idi. Terminala dəydikdən sonra alov yayılıb. Xəsarət alanlar haqda məlumat verilmir. Britaniya televiziyası terminalda yanğının mobil telefon və video-kameralar tərəfindən çəkilmiş videosunu nümayiş etdirib. Hadisə yerində qatı qara tüstünün havaya qalxdığı göstərilib.