Livan əsgərləri iki aydır islamçı yaraqlılarla mübarizə apardıqları Fələstin qaçqın düşərgəsində iki binanı ələ keçiriblər. Livan hərbi qüvvələrinin bildirdiyinə görə, Tripoli şəhəri yaxınlığındakı Nəhr əl-Bared düşərgəsində döyüş zamanı iki əsgər qətlə yetirilib. Yaraqlılar qaçqın düşərgəsinin kənarında raketlər atdığı zaman Livan hərbi qüvvələri ikinci gündür onların mövqelərini artilleriya atəşinə tutur. May ayının 20-dən başlamış qarşıdurma nəticəsində 97 Livan əsgəri daxil olmaqla, 170-dən çox adam həlak olub.