Peruda baş verən şiddətli zəlzələ nəticəsində 340-a yaxın adamın həlak olduğu bildirilir. Rəsmilər yüzlərlə insanın xəsarət aldığını deyir. Rixter şkalası ilə 7.9 bal gücü olan zəlzələ paytaxt Limadan 145 km cənub-şərqdə, Perunun mərkəzindəki sahillərdə baş vermiş və cəmisi ikicə dəqiqə sürmüşdü. Zəlzələ ciddi ziyan vurub, ölkə boyu palçıq sürüşmələrinə yol açıb. Ən böyük tələfata İka şəhərində kilsənin uçması yol açıb. ABŞ-da yerləşən Sakit okeanı sunami mərkəzinin Peru, Çili, Kolumbiya, Panama cə Kosta Rika kimi ölkələri əhatə edən Cənubi Amerikanın Sakit okeanı regionunda elan etdiyi sunami xəbərdarlığı artıq ləğv edilib.