İraq məhkəməsi şiələrin kütləvi qətlində ittiham olunan iki keçmiş rəsminin məhkəmə prosesini şahidlərin gəlməməsi səbəbilə təxirə salıb. Proses bu gün Bağdadda başlamalı idi, ancaq iclas martın 2-nə təyin edilib. Yüksək vəzifəli şiə rəsmiləri 2 il əvvəl İraqda baş qaldırmış dini qətliamla əlaqələrinin olmasında şübhəli bilinirlər. Şübhəlilər İraq səhiyyə nazirinin sabiq köməkçisi Hakim Əl-Zamili və Səhiyyə Nazirliyinin təhlükəsizlik qüvvələrinin keçmiş rəhbəri Hamid Əl-Şimmaridir. Onlar keçən il həbs olunaraq, qatillik və oğurluqda itiham olunub.