Gürcüstanın 6 müxalifət lideri yanvar ayında keçirilən prezident seçkilərinə etiraz olaraq yeni seçkilərin keçirilməsi tələbi ilə parlament binasında aclıq aksiyasına başlayıblar. "Yeni Hüquqlar" müxalifət partiyasının nümayəndələri parlament spikeri Nino Burcanadzenin idarəsi yaxınlığında oturaq aksiya keçirirlər. Müxalifət liderlərini dəstəkləyən 36 nəfərin də parlament binası qarçısında aclıq aksiyasına qoşulduğu bildirilir.
Dünən 3 000-ə yaxın insan president Mixail Saakaşvili və müxalifət lideri Levan Qaçeçiladze arasında seçim tələbi ilə parlament binası qarşısında nümayiş keçirmişlər.