Gürcüstan məhkəməsi keçmiş müdafiə naziri İrakli Okuraşviliyə korrupsiya və hədələmə ittihamları ilə qiyabi olaraq 11 il həbs cəzası verib. Bu ittihamlardan sonra məhkəmədən əvvəl zəmanətlə azadlığa buraxılan və hal-hazırda Avropada olan Okuraşvili may ayında keçiriləcək parlament seçkilərində iştirak etməyəcək. Okuraşvilinin vəkili Eka Beselia Okuraşvilinin noyabr ayında geniş etiraz aksiyaları təşkil etdiyinə görə, hökmün siyasi motivlər əsasında çıxarıldığını deyib.