Şiələrin istinadgahı olan Bəsrə şəhərində İraq generallarını daşıyan konvoy yaxınlığında yol kənarına yerləşdirilmiş bomba partlayıb. Özü də maşın karvanında olan İraqın müdafiə nazirliyinin sözçüsü Məhəmməd Əl-Əsgərinin bir neçə saat sonra haqqında xəbər verdiyi partlayış zamanı xəsarət alanlar barədə məlumat verilməyib. O deyib ki, ayağından yaralanan iraqlı video operator Hayaniyyə məhəlləsində baş vermiş hadisələri lentə alıb. Bu ərazi keçən həftə İraq təhlükəsizlik qüvvələrilə radikal ruhani Müqtəda Əl-Sədr tərəfdarı olan şiə yaraqlılar arasında əsas toqquşmalara səhnə olub. Bəsrədə üçüncü gündür gərgin də olsa, sakit vəziyyətin hökm sürdüyü bildirilir.