ABŞ-ın İraqdakı hərbi qüvvələrinin komandiri və Amerikanın o ölkədəki səfiri sabah Konqres qarşısında İraq müharibəsinə dair ifadə verməlidir. General Deyvid Petreyes və səfir Rayan Kroker Senatın Xarici Əlaqələr və Silahlı Qüvvələr komitələrində hesabat təqdim edəcək. Dinləmələrdə ABŞ prezidentliyinə iki demokrat, Hillari Klinton və Barak Obama, habelə respublikaçı namizəd Con Makkeyn iştirak etməlidir. Klinton və Makkeyn silahlı qüvvələr, Barak Obama isə xarici əlaqələr komitəsinin üzvüdür.