İki
həftə əvvəl Makedoniyada parlament seçkiləri zamanı 200-ə yaxın seçki
dairəsinin zorakılıq səbəbilə bağlanmasından sonra bu gün bəzi makedoniyalı yenidən
səs verib. Paytaxt Skopyenin şimalında etnik albanların yaşadığı ərazilərdə 187
seçki məntəqəsində yenidən sesvermə keçirilib. Ölümlə nəticələnən atışmalar,
təhdid və seçki saxtakarlıqları səbəbilə məntəqələr iyunun birində bağlanmışdı.
Rəsmilərin bildirdiyinə görə, zorakılıqlar nəticəsində bir nəfər həlak olmuş,
bir neçə nəfərsə yaralanmışdı. Bugünkü seçkilərdə əhalinin onda biri iştirak
edir və əvvəl açıqlanan nəticələrin dəyişəcəyi gözlənilmir.