Livana gözlənilmədən səfər edən ABŞ Dövlət katibi Kondoliza Rays
ölkənin yeni seçilmiş prezidenti Mişel Süleymanla görüşüb. Xanım Rays
keçən ay Livanın siyasi qüvvələri hakimiyyətin bölüşdürülməsi haqda
razılığa gəldikdən sonra prezident Mişel Süleymanla görüşən ilk yüksək
səviyyəli ABŞ rəsmisidir. Kondoliza Rays deyib ki, ABŞ yaraqlı qrup
olan Hizbullaha daha artıq hakimyyət versə də, Livanın yeni hökumətini
müdafiə etməyi planlaşdırır. ABŞ Dövlət Departamenti Hizbullahı
terrorçu təşkilatlar siyahısına salıb. Lakin Dövlət katibi Rays deyib
ki, Birləşmiş Ştatlar Livanın yeni hökumətini dəsəkləyir, çünki, bu,
Livan xalqını və son nəhayətdə ABŞ-ın marağındadır. Livana səfəri
zamanı Kondoliza Rays habelə baş naziri Fuad Siniora və ölkəni digər
yüksək səviyyəli rəsmilərilə görüşlər keçirib.