Şimali
Koreyanın nüvə proqramının sona çatdırılmasına dair danışıqlar bu həftə Pekində
yenidən bərpa olunacaq. Çin Xarici İşlər Nazirliyinin sözçüsü Qin Qanq
jurnalistlərə deyib ki, danışıqlar cümə axşamı başlayacaq və 3 gün davam
edəcək. Onun sözlərinə görə, inkişafa nail olunsa müzakirələr uzana bilər.
Danışıqlar əsasən rəsmi Pxenyanın son açıqladığı nüvə proqramı deklarasiyasının
nəzərdən keçirilməsi üzərində cəmləşəcək. Keçən ay Şimali Koreya nüvə proqramlarının
təfərruatlı sənədlərini açıqlamış və əsas nüvə kompleksinin sərinləşdirici
qülləsini dağıtmışdı.