ABŞ prezidenti Corc Buş Böyük Səkkizlərin
Yaponiya sammiti zamanı iqlim
dəyişikliyi və digər məsələlərin müzakirəsində önəmli irəliləyiş əldə
edildiyini deyib. O, xəstəliklərlə mübarizə və inkişafların
təbliğinə üstünlük verilən, habelə proteksionizmə müqavimət göstərən 3 günlük
sammitin işini yüksək qiymətləndirib.
Səkkizlərin 2050-ci ilədək istixanə
qazlarının 50% azaldılması strategiyası barədə qəbul etdikləri razılıq üç
gün davam edən sammitdə başlıca nailiyyətlərdən idi.
Yaponiyanın baş naziri Yasuo Fukuda Çin,
Hindistan və Braziliya da daxil edilməklə, iqtisadiyyatı inkaşif etmiş
ölkələrin liderlərinin iqlim
dəyişikliyi ilə mübarizədə əməkdaşlıq edəcəkləri barədə razılığa gəldiklərini
bildirib. Cənab Fukuda deyib ki, ilk dəfə idi ki,
dünya ölkələrinin liderləri qlobal iqlim dəyişikliyinə qarşı mübarizə
mövzusunda birgə danışıqlar keçirdilər və bu dövlətlər bu sahədə
fəaliyyətlərini artıracaqlarına söz verdilər.
Bu gün Hindistanın baş naziri Manmohan Sinqh
ərzaq təhlükəsizliyi, ictimai səhiyyə və nadir su ehtiyatlarından istifadənin əsas məsələlər olduğunu deyib.
Bu arada isə Çin prezident Buşun Olimpiya Oyunlarında iştirak etmək qərarını
alqışlayıb.