ABŞ
prezidenti Corc Buş həftəlik radio müraciətində Konqresi yerli neft istismarına
qoyduğu qadağaları ləğv etməyə çağırıb. Prezident deyib ki, ABŞ neft
şirkətlərinə 1980-ci ildən bəri istismarına qadağa qoyulan əsas ofşor
obyektlərinə çıxış əldə etməyə icazə verilməlidir. Onun sözlərinə görə, neft
çıxarılması hazırda mühafizə olunan Alyaskanın şimal hissəsindən 10 milyard
barelə yaxın neft istehal etmək olar.
Prezident bunun ABŞ-ın 20 ildə Səudiyyə Ərəbistanından alacağı neftdən
çox olduğunu bildirib. Demokrat
Konqresmen Kris Van Hollen isə cavab müraciətində neft şirkətlərini
istifadələrində olan 27 milyon hektar federal ərazidə istismar işlər aparmağa
çağırıb. Qeyd edək ki, ətraf mühitin
qorunmasını əsas gətirən Konqres Demokratları iri neft yataqlarının mövcud
olduğu güman edilən yerlərdə neftçıxarma layihələrinə qarşı çıxırlar.