Los
Anceles Taymz qəzeti yazır ki, yüksək rütbəli ABŞ hökumət alimi 2001-ci ildə qarayara hücumlarına görə
Ədliyyə Departamentinin ittihamları ilə üzləşmə ərəfəsində intihar edib. 62 yaşlı Bryus Ayvins çərşənbə axşamı
Merilendin Frederik şəhərində iri dozada ağrıkəsici dərmanlar qəbul etdikdən
sonra dünyasını dəyişib. Vaşinqtonda
siyasətçilərə, Nyu York və Floridada media orqanlarına qarayara göndərdiyinə
görə Ayvinsə qarşı rəsmi ittiham irəli sürüləcəkdi. 2001-ci il Sentyabrın 11-də baş verən terror hücumlarından az
sonra qarayara göndərilməsi 5 adamın ölümünə, hökumət binalarının bağlanmasına
və ABŞ poçt idarəsinin iflic olmasına gətirib çıxardı. Ayvins 18 il ərzində elitar ABŞ bio-müdafiə
sənayesində çalışmış və qarayara hücumunun araşdırılmasına iştirak etmişdi.