Accessibility links

Azərbaycan dövlət başçısının prezidentliyə namizədliyi irəli sürülüb


Azərbaycanın hakim partiyası hazırki dövlət başçısı İlham Əliyevin ikinci 5 il müddətə prezidentliyə namizədliyini irəli sürüb. Bu gün Yeni Azərbaycan Partiyası yekdilliklə bu qərarı təsdiq edib. Bu gün habelə iki müxalifət partiyası - Musavat və Demokrat partiyaları oktyabrın 15-də keçiriləcək seçkiləri boykot edəcəyini elan edib. Onlar boykotu ölkədə söz azadlığına qoyulan məhdudiyyətlərin ədalətli kampaniyanın aparılmasını qeyri-mümkün etməsi ilə əsaslandırırlar. Başqa bir müxalifət qrupu Azadlıq Bloku isə boykot qərarını daha əvvəl elan etmişdi. Qeyd edək ki, prezident İlham Əliyev ilk dəfə 2003-cü ildə prezident seçilib və atasının yolunu davam etdirərək neftlə zəngin ölkəni öz nəzarətində saxlayır. İnsan haqları qrupları dəfələrlə Azərbaycan rəsmilərini müxalifəti təqib etməkdə və müstəqil mətbuatın səsini boğmaqda ittiham edib.

XS
SM
MD
LG