Accessibility links

İraqda 10 min məhbus azadlığa buraxılıb


İraqdakı ABŞ ordusunun bildirdiyinə görə, bu il ölkədə 10 mindən çox məhbus azad edilib. Bu göstərici 2007-ci ildə sərbəst buraxılanların sayından çoxdur. Ordunun bugünkü açıqlamasına deyilir ki, yüksək sayda məhbusun buraxılması proqramı onların cəmiyyətə daha yaxşı inteqrasiyasını nəzərdə tutur. Onların sözlərinə görə, sərbəst buraxılanların yalnız bir faizdən azı yenidən həbs edilib. Ordu bildirir ki, hazırda İraqın iki müxtəlif həbsxanasında 21 mindən az məhbus saxlanılır. Bununla yanaşı, ordunun açıqlamasına görə, koalisiya qüvvələri bu gün 12 terrorçunu həbs edib. Onlardan ikisi İraqdakı Əl-Qaidə liderlərini hədəfə alan əməliyyatlar zamanı axtarışda olub.

XS
SM
MD
LG