Serbiyanın ultra-millətçi partiyasının bildirdiyinə görə, müharibə cinayətlərində ittiham edilən Radovan Karaciçi dəstəkləyən etnik serb Ranko Paniç keçən ay polislə qarşıdurma zamanı aldığı yaralar səbəbi ilə dünyasını dəyişib. Ranko Paniç Karaciçin Haaqa müharibə cinayətləri tribunalına təhvil verilməsinə etiraz olaraq keçirilən aksiyanın iştirakçıları arasında olub. Radikallar partiyasının lideri Aleksandr Vuciç onun qarşıdurma zamanı vəhşicəsinə döyüldüyünü və qarın nayihəsindən aldığı yaraların onun ölümünə yol açdığını deyib.