ABŞ
siyasətində tarixi həftə bitdikcə prezidentliyə namizədlər yeni
vitse-prezidenliyə namizəd tərəfdaşları ilə bərabər başlıca rəqabət meydanı
olacaq ştatlarda seçicilərlə görüşürlər.
Respublikaçı namizəd Con Makkeyn bu axşam vitse-prezidentliyə namizəd
tərəfdaşı Alaska qubernatoru Sara Palinlə birlikdə kampaniya aparacaq. Makkeyn nisbətən tanınmamış Palini vitse
prezidenlitliyə namizəd seçməklə ilk dəfə olaraq qadını Respublikaçı prezident
komandasına əlavə etmiş oldu. Demokrat
Barak Obama isə Cümə Axşamı iri partiyadan prezidentliyə namizədliyi irəli
sürülmüş ilk Afrikalı-Amerikalı oldu.
Senator Obama tərəfdaşı Delavar senatoru Co Baydenlə birgə bu axşam
Ohayoda seçicilərlə görüş keçirəcəklər.
Bu arada Demokrat senator Hillari Klinton radio ilə müraciətində ABŞ
seçicilərini sabiq praymeri rəqibi Barak Obamaya səs verməyə çağırıb. Onun sözlərinə görə Demokratlarla
Respublikaçılar arasındakı təzad kəskindir.