Ayk
qasırğası ABŞ-ın 4-cü ən iri şəhəri Hyuston şəhəri üzərindən keçdikdən sonra
ərazidə böyük dağıntılara səbəb olub.
Son məlumatlara görə Texasın Meksiko körfəzi sahilləri boyunca iri
əraziləri su basıb. Bugün Hyuston və
Qalveston şəhərlərində bir milyondan çox adam işıqsızdır. Xilasedici komandalar dünən gecədən pis hava
şəraiti üzündən əməliyyatlara fasilə verdikdən sonra, bugün fəaliyyətlərini
bərpa ediblər. Onlar Qalvestonda
evakuasiya əmrinə riayət etməmiş minlərlə adamın taleyindən narahatdırlar. Qalvestonun böyük hissələri qasırğadan sonra
su altındadır. Saatda 175 kilometr
sürətə malik küləklər elektrik xəttlərini qırmış və yanğınlar törətmişdir. ABŞ Prezidenti Corc Buş Ayk qasırğasını nəhəng
tufan adlandıraraq əraziyə federal rəsmilər göndərmişdir.