Əfqan polisinin bildirdiyinə görə, uzaqdan idarə
olunan bombanın partlaması nəticəsində Loqar vilayətinin qubernatoru və digər 3
nəfər həlak olub. Əfqanıstan paytaxtı Kabildən təxminən 20 kilometr uzaqlıqda
olan Paqman şəhərində baş verən partlayışın məsuliyyətini Taliban öz üzərinə
götürüb. Hadisə zamanı qubernator Abdulla Vardak, onun sürücüsü və iki
mühafizəçisi həlak olub. Yerli polis rəsmisi general Mustafa Xan deyir ki,
bomba Vardakın evinin yaxınlığında partlayan zaman o, öz maşını ilə işə
gedirdi. Polisin sözlərinə görə, bu, Loqarın qubernatoruna qarşı son aylarda
hazırlanan ikinci sui-qəsd cəhdi idi. Prezident Həmid Kərzai hökumətində kabinet
naziri olmuş Vardak 2001-ci ildə ABŞ qüvvələrinin Əfqanıstana müdaxiləsindən
bəri əfqan qüvvələrə rəhbərlik edib.