Zimbabve
prezidenti Robert Muqabe və müxalifət liderləri dönüş nöqtəsi olan hakimiyyət
bölgüsü haqda razılaşmaya imza atıblar. Bu, iqtisadi böhranının dərinləşməsinə və aylardır davam edən siyasi çıxılmazlığa son
qoymaq məqsədi daşıyır. Bu gün sazişi imzalayandan sonra cənab Muqabe və onun
rəqibi Demokratik Dəyişiklik Hərəkatının lideri Morqan Çanqiray Hararedə əl
sıxıblar. Mərasimdə cənab Çanqiray Zimbabvenin rəqib partiyalarını vahid
hökumət uğrunda birgə işləməyə çağırıb. 84 yaşlı cənab Muqabe nitqi zamanı ABŞ
və “Müstəmləkə qüvvələri” tənqid atəşinə tutub. Razılaşmaya əsasən Muqabe
prezident, Çanqiray isə baş nazir vəzifəsini icra edəcək. Zimbabveyə
sanksiyalar tətbiq edən Avropa Birliyi hakimiyyət bölgüsü razılaşmasını
alqışlayıb.