Türkiyə
hərbi təyyarələri İraqın şimalında kürd yaraqlıların 16 hədəfinə zərbə endirib.
General Mətin Qurak bu gün deyib ki, yaraqlıların Qəndil dağlarındakı
sığınacaqları dünən gecə bombalanıb. PKK kimi tanınan Kürdüstan Fəhlə
Partiyasının yaraqlıları hücumu təsdiq edib və bildirib ki, qrupun bir nəfər
üzvü yaralanıb. Rəsmi Ankaranın bildirdiyinə görə, separatçı PKK yaraqlıları
Türkiyə ərazisinə hücumlar təşkil etmək üçün İraqın şimalındakı sığınacaqlardan
istifadə edir. Bu il Türkiyə İraqın şimalında yaraqlıları hədəfə alan çoxsaylı
hücumlar həyata keçirib. İraq bunu suverenliyinin pozulması kimi
qiymətləndirərək hücumları ittiham edir. PKK yaraqlıları isə 1984-ci ildən
Türkiyənin cənub-şərqində muxtariyyət uğrunda mübarizə aparır.