BMT
nüvə agentliyinin direktoru bildirib ki, onun təşkilatına daha çox səlahiyyət,
resurslar və işçi qüvvəsi lazımdır ki, vəzifəsinin öhdəsindən gələ bilsin. Məhəmməd əl Baradei bu fikri bu gün Beynəlxalq
Atom Enerjisi Agentliyinin Vyanada keçirilən illik konfransında izhar
edib. Konfransda Suriya və İranın daha
çox nüfuz əldə etməyə çalışacağı və İsrailin nüvə proqramı ilə bağlı bu ölkəyə
təzyiqlər göstəriləcəyi gözlənilir.
Beynəlxalq Atom Enerjisi Agentliyinin həftəlik konfransı nüvə
texnologiyası ilə əlaqədar bir sıra məsələlərdə 145 üzv dövləti bir araya
gətirir. Bu il İslam ölkələri İsrail
nüvə rpqoqramını beynəlxalq nəzarət altına gətirmək üçün təşəbbüslə çıxış
edəcəklər. Konfransda başqa məsələ İran
və Suriyanın BMT agentliyinin müdirlər şurasında yer əldə etməsi mümkünlüyüdür.