Bazar
günü Vaşinqtonda Türk Mədəniyyəti Festivalı keçirilib. Ağ Evə yaxın Azadlıq Plazasında təşkil
olunan törən “Türkiyə - Avropa ilə Asiya arasında Gizli Eşq Macərası”
adlanırdı. Tədbirin başlıca sponsoru
Türkiyə Mədəniyyət Fondu idi. Burada
Vaşinqton sakinləri ləziz Türk təamları dadir, qəhvə içir və mədəni
eksponatlara baxırdılar. Türk bazarı
adlanan çadırda müxtəlif növ mədəni əşyalar satılır və Türk mədəniyyətinin
rəngarəng aspektləri müsafirlərə təqdim olunurdu. Səhnədə isə Amerikada yaşayan Türklərin musiqiçi və rəqs
ansamblları ifa edirdi. Bundan əlavə
festivalda Amerikalı Azərbaycanlılar da yaxından iştirak ediblər. Azərbaycanlı rəqs truppası səhnədə bir neçə
xalq mahnısı ifa edib. Habelə
Azərbaycanı təmsil edən köşklərə baş çəkən festival iştirakçıları Azərbaycan
mədəniyyəti, ələlxüsus onun mətbəxi ilə tanış olublar.