Accessibility links

Amerikada prezident seçkilərinə  4 gün qalır


Prezidentliyə respublikaçı namizəd Con Makkeyn və demokrat namizəd Barak Obama Amerikanın mərkəzi bölgələrində seçkilərə 4 gün qalmış qızğın kampaniya aparırlar. Sentor Makkeyn bu gün Ohayoda Kaliforniyanın respublikaçı qubernatoru Arnold Şvartsneqqerlə birgə nümayiş keçirməyi planlaşdırır. İndiyədək heç bir respublikaçı namizəd Ohayo ştatında qələbə çalmadan Ağ Evə yiyələnməyib. Lakin son rəy soğuları Obamanın Makkeyndən 6% irəlidə olduğunu göstərir. Senator Obama Ayova və İndianada seçki kampaniyasını davam etdirir. İndiana əvvəllər adətən respublikaçılara səs verib, lakin hazırda yarış orada bərabər gedir. Ayova ştatında Obama Makkeyni böyük səs nisbəti ilə üstələyir. Prezident seçkilərinin nəticələri ştatların elektoral səsləri əsasında müəyyən edilir. Səsvermədə qalib gəlmək üçün namizəd 538 mümkün elektoral səsdən 270-ni qazanmalıdır.

XS
SM
MD
LG