Birləşmiş Ştatlarda iqtisadi tənəzzül dərinləşdikcə tələbatın azaldığı və neft qiymətlərinin düşdüyü şəraitdə yaşayış səviyyəsinin noyabr ayında ən aşağı səviyyəyə düşdüyü bildirilir. Bu gün Əmək Nazirliyinin açıqladığı hesabatda deyilir ki, istehlakçı qiymətləri indeksi bir ay ərzində 1.7 faiz enib. İqtisadçılar bildirir ki, kredit böhranı məhsullara olan tələbatın enməinə gətirib çıxararaq, qiymətlərin aşağı düşməsinə səbəb olub. Bu məlumatlar ABŞ-ın Mərkəzi Bankının bu gün sələm faizlərini aşağı salmağa hazırlaşdığı vaxt açıqlanır.