Bu gün Qanada təkrar prezident seçkiləri keçirilir. Hakim partiyadan namizəd Nana Akufo-Addo və müxalifət nümayəndəsi Con Atta Millis 8 illik hakimiyyətdən sonra Con Kufuorun yeri uğrunda mübarizə aparır. Səsvermə ərəfəsində tərəflər biri-birini saxtakarlıqlara yol verildiyində günahlandırmışdı.
Hakim Yeni Vətənpərvər Partiyası müxalifəti tərəfdarlarını qorxutmaqda, müxalifət isə hakim partiyanı səsvermə dairələrində saxtakarlqılara əl atmaqda günahlandırıb. Bütün bu ittihamlara baxmayaraq, müşahidəçilər seçkiləri açıq və şəffaf adlandırıb.