Avropa Birliyinin Təhlükəsizlik və Xarici
Siyasət idarəsinin rəhbəri Haviyer Solana Azərbaycan Milli Televiziya və Radio
Şurasının xarici radioların lisenziyasını uzatmamasına görə təəssüf keçirdiyini
bildirib. Birliyin yaydığı məlumatda şuranın bu qərarının dinləyiciləri dəyərli
alternativ xəbər və informasiya mənbəyindən məhrum etdiyi bildirilir. Cənab
Solana bağlanmaq üçün göstərilən qanuni səbəbləri başa düşsə də, bütün
tərəflərin razı qalacağı qərarın çıxarılmasının mümkünlüyünü dilə gətirib.
O, Azərbaycan rəsmilərini “Amerikanın səsi”, “Azadlıq” və BBC radiolarının yerli tezliklərdə yayımını dayandırmaq qərarına yenidən baxmağa səsləyib. Açıqlanan bəyanatda vurğulanır ki, Avropa Birliyi radioların yayımının bərpa olunmasına şərait yaradacaq qanuni şərtlərin yaradılması üçün geniş müzakirələrə və demokratik institutların inkişafının gücləndirilməsində Azərbaycana kömək etməyə hazırdır.
O, Azərbaycan rəsmilərini “Amerikanın səsi”, “Azadlıq” və BBC radiolarının yerli tezliklərdə yayımını dayandırmaq qərarına yenidən baxmağa səsləyib. Açıqlanan bəyanatda vurğulanır ki, Avropa Birliyi radioların yayımının bərpa olunmasına şərait yaradacaq qanuni şərtlərin yaradılması üçün geniş müzakirələrə və demokratik institutların inkişafının gücləndirilməsində Azərbaycana kömək etməyə hazırdır.