Pakistanın ordu rəsmiləri dünən gecə Əfqanıstanla sərhəddə
yarıhərbi istehkama hücum zamanı 6 əsgərin və 40 yaraqlının öldüyünü bildirib.
Hücumçuların çoxu sərhəddin Əgqanıstan tərəfindən gələrək, Mohmand ucqar
ərazisindəki Taliban yaraqlılarına qoşulub. Mohmand Talibanın və Əl-Qaidənin
fəaliyyətlərinin mərkəzi hesab olunur. Təhlükəsizlik rəsmilərinin sözlərinə
görə, toqquşma yaraqlılar qaçanadək bir neçə saat davam edib. Hücumda 600-ə
yaxın yaraqlı iştirak edib. Pakistan hüquq-mühafizə nümayəndələri deyir ki,
qarşıdurma zamanı 7 əsgər xəsarət alıb və yarı-hərbi Cəbhə Korpusu yaraqlılara
ağır zərbə endirib. Bununla yanaşı, bu gün Cənubi Vəziristanda yaraqlıların
yerli hökumət rəsmisi Əmir Lətifi oğurladığı bildirilir.