Avropa Birliyinin xarici işlər nazirləri İranın
müxalif qrupunun adını terrorçu təşkilatlar siyahısından çıxarıb. Diplomatların
bu gün Brüsseldə qəbul olunan qərarı sabah qüvvəyə minəcək və İranın Xalq
Mücahidləri Təşkilatının dondurulmuş əmlakları bərpa olunacaq. Bu addım bir
neçə məhkəmənin Avropa Birliyinin Xalq
Mücahidləri Təşkilatının terrorçu qrup olduğunu sübut edə bilmədiyinə dair
qərarına əsasən atılıb. Birliyin bu planından xəbərdar olan yüzlərlə
iranlı dünən Tehranda Fransa
səfirliyinin qarşısında etiraz aksiyası keçirib. Nümayişçilər fəaliyyətinə
qadağa qoyulmuş qrup əleyhinə şüarlar səsləndiriblər.