Əfqanıstan rəsmiləri bildirirlər ki, taliban yaraqlılarının Kabildə Ədliyyə vəTəhsil nazirlikləri, habelə Baş həbsxana idarəsinə hücumları nəticəsində təxminən 20 nəfər həlak olub, 60-a yaxın adam isə yaralanıb. Hücum Birləşmiş Ştatların Əfqanıstan və Pakistan üzrə yeni nümayəndəsi Richard Holbrukun Kabilə səfəri gözlənildiyi zaman həyata keçirilib. Müdafiə Nazirliyi əməliyyatda 8 hücumçunun öldürüldüyünü bildirib. Taliban yaraqlıları Kabildə Amerikanın səsi və başqa xəbərlər agentliklərinə zəng edib əməliyyatın məsuliyyətini öz üzərinə götürdüklərini bildiriblər.