İranın Xarici işlər naziri Mənuçehr Möttəki İraq yarı-muxtar Kürdüstan regionunda vəziyyəti müzakirə etmək üçün oraya səfər edib. Rəsmilərin verdiyi məlumata görə, Möttəki və Kürdüstanın prezidenti Məsud Barzani İranın İraqın sərhəd bölgələrini mərmilərdən atəşə tutması, habelə fəaliyyəti qadağan olmuş kürd qrupunun İraqın şimalında İranda hədəflərə hucum etməski kimi məsələləri müzakirə ediblər. Kürdüstanın Azad həyat partiyası Türkiyənin cənub-şərqində muxtariyyət uğrunda mübarizə aparan PKK-nın bir qoludur. Kürdüstan regionun rəsmiləri bu qruplara hər hansı bir şəkildə dəstək verildiyindən imtina edirlər. Səfər zamanı Möttəki İrbil və Süleymaniyyədə konsulluqlar açıb. O, regiona səfər etmiş ən yüksək səviyyəli İran rəsmisidir.