ABŞ-ın
Əfqanıstan və Pakistan üzrə xüsusi nümayəndəsi Riçard Holbruk Əfqanıstan
prezidenti Həmid Karzai ilə danışıqlar aparıb. ABŞ nümayəndəsinin cənab Karzai
ilə görüşünün müzakirə mövzusunun Taliban yaraqlılarına qarşı mübarizə olacağı
gözlənilirdi. Görüşdən sonra heç bir açıqlama verilməyib. Ancaq Cənab Karzai
dünən Əl-Cəzirə telekanalına bildirib ki, ABŞ və Əfqanıstan hökumətləri arasında
yaşanan gərginliklər əsasən mükli vətəndaşların ölməsi və həbs edilməsi, evlərə
gecə reydləri ilə bağlıdır. Bu gün səhər isə Holbruk Əfqanıstan xarici işlər
naziri Ranqin Dadfar Spanta ilə görüşüb. Bu gün ölkədə habelə zorakılıq faktı
qeydə alınıb. Əfqan polisi deyir ki, 2 bomba partlayışı nəticəsində bir yerli
rəsmi və 4 polis işçisi həlak olub.