ABŞ
Prezidenti Barak Obama deyir ki, onun imzaladığı stimullaşdırma planına əsasən şənbə
günü səhərdən başlayaraq ölkə boyu işləyən ailələrin 95 faizi vergi endirimlərinin
şahidi olacaqlar. Cənab Obama deyir ki,
ABŞ Maliyyə Nazirliyi müdirlərə səlahiyyət verib ki, aprelin 1-ə qədər
vergiləri endirsinlər. Gözlənilir ki,
tipik ailə hər ay evə əlavə 65 dollar aparacaq. Həftəlik radio müraciətində Prezident Obama deyib ki, vergi endirimləri
tez bir zamanda amerikalılara çatdırılacaq. Prezident stimullaşdırma planının 3.5 milyon yeni iş yeri yaradacağını yenidən
təkrar etdi. O, bildirdi ki, imzalanan bu
qanun iqtisadi bərpa yönümündə ilk addımdır.