ABŞ
prezidenti Barak Obama hərbi qüvvələrin 2010-cu ilə qədər İraqdan çıxarılması
barədə qərarını bu gün Şimali Karolinadakı Kamp Lejön hərbi bazasında açıqlayıb.
Müəyyən edilmiş bu vaxt cənab Obamanın
kampaniyası dövründə vəd etdiyi zaman kəsiyindən 3 ay çoxdur. Təklifə əsasən
məhdud təlim missiyaları və terrorizmlə mübarizə üçün 50 min qoşun İraqda qala
bilər. Amerika əsgrələrinə göstərdikləri fədakarlıqlara görə təşəkkür edən Prezident Obama habelə bəyan edib ki, ABŞ İraqla
bərabərhüquqlu tərəfdaş kimi münasibətlərini davam etdirmək niyyətindədir.