İran
ABŞ hərbi komandirinin iddialarını rədd edib. Dünən Birləşmiş Ştatların Baş
Qərargahlar rəisi Admiral Mayk Mallen demişdi ki, Tehran atom bombası
hazırlamaq üçün kifayət qədər materiala malikdir. Bu gün İranın Xarici İşlər
Nazirliyinin mətbuat katibi Həsən Qaşqavi beynəlxalq müfəttişləri xəbərdar
etməmiş Tehranın uran zənginləşdirməsinin mümkün olmadığını deyib. Beynəxalq
Atom Energisi Agentliyi bildirib ki, İranın 1010 kiloqram zəif
zənginləşdirilmiş uranı var və bu, nüvə enerjisi üçün istifadə oluna bilər. Çətin
proses isə yüksək zənginləşdirilmiş uranı silah dərəcəli materiala çevirməkdir
və İranın buna qadir olması hələlik məlum deyil.