İraq rəsmilərinin bildirdiyinə görə, bu gün Karradah məhəlləsində intiharçının bomba hücumu 3 nəfərin ölümünə, azı 10 nəfərin yaralanmasına səbəb olub. Rəsmilər hücumun polis məntəqəsinə qarşı nəzərdə tutulduğunu deyir. Keçən il İraqda zorakılıqların xeyli azalmasına baxmayaraq, sabitlik hələ də zərif olaraq qalır. Biləşmiş Ştatların təyin etdiyi cədvələ əsasən 2011-ci ildə İraqdakı ABŞ ordusu ölkədən tam çıxarılacaq və təhlükəsizliyin qorunması İraq hökumətinə həvalə ediləcək.