Accessibility links

AB ilə Azərbaycan arasında viza məhdudiyyətləri azaldıla bilər


Avropa Birliyi iki günlük Brüssel sammitini başa çatdırır. Zirvə toplantısının əsas müzakirə mövzusu dünya iqtisadi böhranı, enerji təhlükəsizliyi və üzv olmayan Şərqi-Avropa dövlətləri ilə əlaqələr olub. Liderlər aprelin 2-də keçiriləcək Böyük İyirmiliyin sammitdən əvvəl Avropa Birliyinin mövqeyini aydınlaşdırmağa çalışırlar. Amerika Birləşmiş Ştatları Birliyə daha böyük iqtisadi yardım ayırmaq üçün təzyiq göstərir. Ancaq avropalılar bunu rədd edir. Liderlər habelə keçmiş Sovet İttifaqının tərkib hissəsi olmuş 6 dövlətlə əlaqələri gücləndirəcək yeni Şərq tərəfdaşlığı planını müzakirə edir. Layihəyə əsasən, əgər Azərbaycan, Ermənistan, Belarus, Gürcüstan, Moldova və Ukrayna demokratik islahatlar həyata keçirsə, bu dövlətlər üçün viza məhdudiyyətləri azaldılacaq. Həmin ölkələrə habelə 2013-cü ilə kimi 800 milyon dollarlıq yardım ayrılması nəzərdən keçirilib.
XS
SM
MD
LG